Bioquímica y Bioloxía Molecular

El Departamentu de Bioquímica y Bioloxía Molecular de la Universidá d'Uviéu fundóse'n 1966 como Departamentu de Bioquímica de la Facultá de Ciencies. Entamó dentro del de Química Orgánica de la Seición de Químiques nel cursu 68-69, impartiendo les asignatures de Bioquímica nes Llicenciatures en Ciencies Biolóxiques y Ciencies Químiques, y darréu na Llicenciatura de Medicina nel cursu 70-71. Ente los años 1968 y 1973 los dos direutores fueron los Dres. Pertierra Pertierra, Sánchez Ramos y Bozal Fes.

Nel añu 1973 fízose una reestructuración de los Departamentos universitarios orixinando la creación del Departamentu Interfacultativu de Bioquímica. Nel cursu 1973-74 fízose cargo de la direición el Doctor Santiago Gascón Muñoz. Tres una nueva reestructuración de los Departamentos Universitarios en 1985, el Departamentu integróse como Área de Bioquímica y Bioloxía Molecular dientro del Departamentu de Bioloxía Funcional, hasta l'añu 1995, creándose'l Departamentu de Bioquímica y Bioloxía Molecular, nome que conserva anguaño.

El Profesor Gascón caltúvose como Direutor hasta l'añu 1992, nel que salió elexíu Rector de la Universidá d'Uviéu. Siguieron-y nel cargu les Profesores Paz Suárez Rendueles y Pilar de la Peña Cortines, los Profesores Pedro Sánchez Lazo y Santiago Cal Miguel, y Xose Antón Suárez Puente que ye quien ocupa'l puestu anguaño.

Dende 1999, el nueso Departamentu atópase nel Campus d'El Cristo B, (Uviéu), nel Edificiu Santiago Gascón, asina nomáu n'alcordanza del Profesor Gascón, fináu en 1997, como reconocimientu al so gran llabor docente, investigador y de direición.

Noticies 

Enllaces rápidos